Ulttyq banktiń tóraǵasy Erbolat Dosaev Almaty qalasynyń ákimi qyzmetine taǵaıyndalǵany habarlandy. Bul týraly kóptegen aqparat resýrstary jazyp jatyr. Aqparat ázirge resmı túrde rastalǵan joq.

Yedilov telegram kanaly qalanyń jańa ákimin máslıhat depýtattarynyń aldynda tanystyrý Nur-Sultan-Almaty reısiniń keshigýine baılanysty keıinge qaldyrylǵanyn habarlady.

Buǵan deıin Almaty qalasyn Baqytjan Saǵyntaev basqarǵan.

Erbolat Dosaev 1970 jyly 21 mamyrda Almaty qalasynda týǵan. Ol Almaty energetıkalyq ınstıtýtyn, Baýman atyndaǵy Máskeý memlekettik tehnıkalyq ýnıversıtetin bitirgen. 

1997 jyly "Turan Álem Banki" JAQ basqarma tóraǵasynyń orynbasary, "ATF Bank" JAQ basqarma tóraǵasy bolǵan.

1998 jyly Qazaqstan Respýblıkasy premer-mınıstri keńesshisi, Energetıka, ındýstrıa jáne saýda vıse-mınıstri qyzmetterin atqarǵan.

2000 jyly Qazaqstan Respýblıkasy Qarjy vıse-mınıstri, 2001 jyly Qazaqstan Damý banki dırektorlar keńesiniń tóraǵasy bolǵan.

2004-2006 jyldary Qazaqstan Respýblıkasynyń Densaýlyq saqtaý mınıstri qyzmetin de atqarǵan.

2016 jyly "Báıterek" Ulttyq basqarýshy holdıńin basqarǵan.

2019 jyldyń 25 aqpanynda Ulttyq banktiń tóraǵasy qyzmetine taǵaıyndalǵan.