Parlament májilisiniń tóraǵalyǵyna Erlan Qoshanov keldi. Bul týraly prezıdenttiń baspasóz hatshysy Berik Ýálı habarlady.

Buǵan deıin Nurlan Nyǵmatýlınniń májilis depýtaty retindegi ókilettigi merziminen buryn toqtatylǵan.

Erlan Jaqanuly Qoshanov 1962 jyly Qaraǵandy oblysynda týǵan.

1984 jyly Qaraǵandy polıtehnıkalyq ınstıtýtyn, 1999 jyly Qazaq memlekettik basqarý akademıasyn bitirgen.

Instıtýt bitirgen soń Jezqazǵan ken-metallýrgıa kombınaty baıytý fabrıkasynyń slesary, sheberi bolyp istedi.

1988-1990 jj. – jumysker jáne aýyl jastary bóliminiń nusqaýshysy, Qazaqstan LKJO Jezqazǵan oblystyq jastar problemalarynyń áleýmettik-ekonomıkalyq bóliminiń meńgerýshisi.

1990-1995 jj. – Jezqazǵan oblystyq komıtetiniń syrtqy ekonomıkalyq baılanys komıtetiniń jetekshi mamany, bólim bastyǵy, tóraǵasynyń orynbasary, tóraǵasy.

1995-1999 jj. – Qazaqstan Respýblıkasy parlament senatynyń depýtaty.

1999-2001 jj. – Qazaqstan Respýblıkasynyń parlamentindegi QR úkimetiniń ókili.

2001-2003 jj. – Qazaqstan Respýblıkasy premer-mınıstri keńsesi basshysynyń orynbasary – Qazaqstan Respýblıkasynyń parlamentindegi QR úkimetiniń ókili.

2003-2006 jj. – Qazaqstan Respýblıkasynyń Kólik jáne komýnıkasıa vıse-mınıstri.

2006-2007 jj. – Qazaqstan Respýblıkasy Kólik jáne komýnıkasıa mınıstrliginiń azamattyq avıasıa komıtetiniń tóraǵasy.

2007-2012 jj. – Qazaqstan Respýblıkasy premer-mınıstri keńsesi basshysynyń orynbasary – Qazaqstan Respýblıkasynyń parlamentindegi QR úkimetiniń ókili.

2012-2017 jj. – Qazaqstan Respýblıkasy premer-mınıstri keńsesiniń basshysy.

2017-2019 jj. – Qaraǵandy oblysynyń ákimi.

2019 jylǵy 18 qyrkúıek kúni Qazaqstan Respýblıkasy prezıdenti ákimshiliginiń basshysy bolyp taǵaıyndalǵan.