Prezıdent Qasym-Jomart Toqaevtyń sheshimimen Murat Nurtileý Qazaqstan Respýblıkasy prezıdenti ákimshiliginiń basshysy laýazymyna taǵaıyndaldy, dep habarlady Aqorda saıty.

Buǵan deıin prezıdent ákimshiligin Erlan Qoshanov basqarǵan bolatyn.

Murat Ábýǵalıuly Nurtileý 1976 jyly 11 naýryzda Almatyda týǵan. 1998 jyly ál-Farabı atyndaǵy QazUÝ-diń halyqaralyq qatynastar fakúltetin támámdaǵan.

1998-1999 jyldary – QR SİM memlekettik hattama qyzmetiniń attashesi, referent.

1999-2003 jyldary – Qazaqstannyń Malaızıadaǵy elshiliginiń attashesi.

2003-2004 jyldary – QR SİM Azıa jáne Afrıka departamentiniń ekinshi hatshysy.

2004-2006 jyldary – QR syrtqy ister mınıstriniń keńesshisi.

2007 jyly parlament senaty apparat basshysynyń orynbasary boldy.

2007-2011 jyldary – senat apparatynyń basshysy.

2011 jyly – QR SİM Azıa jáne Afrıka departamenti dırektory, Qazaqstan syrtqy ister mınıstrliginiń erekshe tapsyrmalar jónindegi elshisi. 2

2011-2014 jyldary – Jenevadaǵy QRÚQ keńesshi-elshisi.

2014-2016 jyldary – QR prezıdenti ákimshiliginiń syrtqy saıasat ortalyǵy meńgerýshisiniń orynbasary.

2016 jyldyń naýryzy – 2019 jyldyń naýryzy – Qazaqstannyń Fınlándıa, Estonıadaǵy tótenshe jáne ókiletti elshisi.

2019 jyldyń naýryzynan – Qazaqstan Respýblıkasy prezıdentiniń kómekshisi.

2022 jyly 5 qańtarda Ulttyq qaýipsizdik komıteti tóraǵasynyń birinshi orynbasary bolyp taǵaıyndaldy.