Jýrnalıs, "Malim.kz" saıtynyń bas redaktory Rýslan Erbota Almaty oblysy ákimi baspasóz qyzmetiniń basshysy bolyp taǵaıyndaldy.
"Almaty oblysy ákimi apparaty basshysynyń buıryǵymen Sarseev Rýslan Erboluly Almaty oblysy ákimi baspasóz qyzmetiniń basshysy – baspasóz hatshysynyń mindetin atqarýshy bolyp taǵaıyndaldy" delingen ákimshiliktiń baspasóz qyzmeti taratqan aqparatta.
Rýslan Erbota ár jyldary Azattyq radıosynda, 31 telearnadaǵy Informbúro baǵdarlamasynda jýrnalıs bolyp istegen. 2017-2020 jyldar aralyǵynda "JasAlash" gazetiniń bas redaktory bolǵan.
Sońǵy jyldary "Malim.kz" degen saıt ashyp, sonyń jumysyna jetekshilik etken. Táýelsiz jýrnalısıkany damytýǵa atsalysqan.
Jýrnalısik qyzmette qoǵamdyq-saıası taqyryptarǵa qalam terbegen.
Buǵan deıin Almaty oblysy ákimi baspasóz qyzmetiniń basshysy qyzmetin Aıdar Bashbaev atqarǵan.
Pikir qaldyrý