Prezıdent naýryz aıynyń ortasynda halyqqa úndeý jarıalaıdy. Bul týraly prezıdenttiń baspasóz hatshysy Berik Ýálı málim etti.
"Prezıdent Qasym-Jomart Toqaev 11 qańtar kúni ótken Májilis otyrysynda azamattyq qoǵammen jáne sarapshylarmen aradaǵy dıalog negizinde saıası reformalardyń jańa toptamasy ázirlenedi dep málimdegen bolatyn.
Osyǵan baılanysty Memleket basshysy naýryz aıynyń ortasynda halyqqa Úndeý jarıalaýdy josparlap otyr. Bul úndeýde reformalardyń negizgi baǵyttary men qoǵamdy saıası transformasıalaýǵa baǵyttalǵan asa mańyzdy sharalar aıqyndalady" delingen aqparattyq habarlamada.
Pikir qaldyrý