AQSH prezıdenti Djo Baıden Máskeý Ýkraınaǵa basyp kiretin bolsa, Reseıdiń Germanıaǵa baratyn negizgi gaz qubyryn jabýǵa ýáde berdi.

Vashıngtonda Germanıa kansleri Olaf Sholspen ótken kelissózderden keıin Baıden AQSH "Soltústik aǵyn 2" qubyryn toqtatady" dep málimdedi.

Al, Fransıa prezıdenti Emmanýel Makron Máskeýde Reseı prezıdenti Vladımır Pýtınmen kezdesip, soǵysty boldyrmaý máselelerin qarastyryp jatyr.

Batys elderi Reseıdiń basqynshylyǵynan alańdaıdy, alaıda Máskeý Ýkraınaǵa shabýyl jasamaıtynyn aıtady.

Qazir Ýkraına shekarasynda Reseıdiń 100 myńnan astam áskeri ornalasqan.

AQSH sheneýnikteri jeksenbi kúni Reseı tolyq aýqymdy basyp alý úshin qajetti áskerı kúshterdiń 70 paıyzyn daıyndaǵanyn habarlady.

Sońǵy aptalarda Máskeý Batys áskerı alánsy NATO-dan Ýkraınanyń oǵan múshe bolýyna tyıym salýdy jáne uıymnyń Shyǵys Eýropadaǵy ásker sanyn qysqartýdy talap etti.

NATO eki talapty da qabyldamady. Onyń ornyna ıadrolyq qarýdy shekteý sıaqty basqa salalar boıynsha kelissózder júrgizýdi usyndy.