Premer-mınıstrdiń orynbasary Eraly Toǵjanov kelesi aptadan bastap oqýshylar offlaın formatta oqıtynyn habarlady. Bul týraly ol úkimettiń keńeıtilgen otyrysynda aıtty.
– Omıkronǵa baılanysty epıdemıologıalyq ahýal kúrt nasharlaǵan bolatyn. Qazir jaǵdaı baqylaýda dep aıtsam, artyq emes. Táýligine 16 myńnan 2000-ǵa deıin azaıyp otyr. Sondyqtan munyń bári - jalpy jaǵdaıdyń durystalyp kele jatqanynyń naqty kórinisi. Kelesi dúısenbi, 14 aqpannan bastap barlyq mektepterde oqýdy offlaın rejımge aýystyrýdy josparlap otyrmyz, – dedi Toǵjanov.
Aıta keteıik, 2022 jyldyń 24 qańtarynan bastap 600-ge jýyq oqýshysy bar mektepter tolyqqandy offlaın oqýǵa kóshken bolatyn.
Pikir qaldyrý