Qurylys materıaldary salasyndaǵy Alina Group kompanıalar tobynyń prezıdenti Erlik Balfanbaev ruhsatsyz ózi jáne kompanıasy týraly aqparat jarıalamaýdy suraý sebebin túsindirdi.

Kásipker ózi jáne kompanıasy týraly aqparatty kelisip jarıalaý týraly ótinish jansaq aqparat taralmas úshin jasalǵanyn jetkizdi.

– Máselen, 2015 jylǵy materıalda biz memleketten qarjy alǵanymyz týraly atap ótilgen. Al is júzinde kompanıa alǵan aqshalardyń bári ekinshi deńgeıli bankterden paıyzben alynǵan edi, qaıtarymsyz qoldaý týraly áńgime bolmaǵan. Sondaı-aq maǵan ózim jaıly "olıgarh" degendi oqý birtúrli. Olıgarhıa memlekettik bılik aýyspaıtyn tulǵalardan turatyn shaǵyn topqa tıesili avtokratıanyń túri sanalady. Meniń mundaıǵa eshqashan qatysym bolmaǵan. Kompanıamnyń da bılikpen eshqandaı baılanysy joq. Men tanymal adam emespin, óıtkeni tanymaldyqqa qumartpaımyn. Men eshqashan saıasatqa, bılikke barmaımyn. Sondyqtan bıznespen shuǵyldanyp, Qazaqstan ekonomıkasyna úles qosqym keledi, – deıdi bıznesmen.

Sondaı-aq ol "baılyǵyn adal jolmen jımaǵan bıznesmender onysyn bólisýge tıis" degen tirkester oǵan qarama-qaıshy keletinin aıtady.

– Men ár tıynymdy adal jolmen taptym. Meniń kapıtalymnyń qaınarkózi sáttilikte, memlekettik tapsyrysta, nemese búdjet qarjysyn talan-tarajǵa salýda emes, men jáne karerlerim men zaýyttarymdaǵy kez kelgen jumysshy kúndelikti aınalysatyn aýyr eńbekte jatyr. Bıznesim eshqashan bılik qamqorlyǵynda bolmaǵan. Bizdiń elde ár qyzmetkerińe, satyp alýshylarǵa, bılikke prınsıpti túrde ádil bolý arqyly ashyq, taza, iri kásip qurýǵa bolady. Meniń ómirlik mysalyn sony aıǵaqtap tur, – deıdi Erlik Balfanbaev.