Jańaózende jumyssyz azamattardy jumysqa ornalastyrý máselesi boıynsha oblystyq komısıa jumysyn bastady. Bul týraly oblys ákiminiń baspasóz qyzmeti málim etti.
"Búgin, 8 aqpanda, oblys ákiminiń birinshi orynbasary Abzal Meńdibaevtyń tóraǵalyǵymen Mańǵystaý oblysynyń Jańaózen qalasynda munaı-gaz salasyndaǵy uıymdarǵa jumysqa qabyldaý algorıtminiń tolyq ashyqtyǵyn qamtamasyz etý jónindegi komısıa quryldy.
Komısıa quramyna memlekettik organdardan basqa Jańaózen qalasyndaǵy jumyssyzdar qatarynan bastamashyl top ókilderi de kirdi. Komısıanyń negizgi maqsaty – bastamashyl toptyń belsendilerimen birlesip, máseleni sheshý joldaryn qarastyrý jáne eki jaqqa da qolaıly ońtaıly sheshimge kel" delingen aqparattyq habarlamada.
3 aqpanda Jańaózenniń jumyssyz turǵyndary Toqaevqa úndeý joldap, máselege nazar aýdarýdy suraǵan.
"Qalada jumyssyzdyq máselesi áli kúnge deıin sheshilgen joq. Jańaózen qalasy ákimdiginiń 2020 jyly usynǵan tizim-sqemanyń ádil oryndalyp jatqanyna senimsizdik bildiremiz. Sonymen qatar, munaı-gaz salasyndaǵy barlyq jumyssyz azamattardy turaqty jumysqa ornalastyrýdy talap etemiz" delingen úndeýde.
Pikir qaldyrý