Májiliste búro otyrysy ótip, onda aldaǵy jalpy otyrystyń kún tártibiniń jobasy naqtylandy. Sondaı-aq "Jańa Qazaqstan" depýtattyq tobyn tirkeldi.

"Májilis búrosy "Jańa Qazaqstan" depýtattyq tobyn tirkedi" delingen aqparattyq habarlamada.

Top ókilderi jumystyń alǵashqy nátıjesi 10 kúnnen keıin baıqalatynyn aıtty.

Depýtat Natalá Dementeva top aldaǵy ýaqytta aımaqtarǵa shyǵyp, qordalanǵan máselelermen tanysyp qaıtatynyn aıtady. Topqa túrli partıa ókilderi múshe bola alady.

Sózinshe, jýyrda depýtattyq topqa úsh teń tóraǵa jetekshilik etpek. Olardyń qatarynda Natalá Dementeva, Edil Jańbyrshın jáne Aıdos Sarym bar. Úsheýi de "Nur Otan" partıasynyń ókili.

– Biz qazir qarýly kúshter týraly, polısıa týraly, ulttyq qaýipsizdik týraly zańdardy kútip otyrmyz. Al úkimettiń keıbir ýájderine qaraıtyn bolsańyz, ony "jazda beremiz" deıdi. Al oǵan deıin bizde quqyq reformasy júrmeýi kerek pe? Armıany kúsheıtýdiń keregi joq pa degen sıaqty kóptegen másele bar. Sondaı dúnıelerdi bálkim osy "Jańa Qazaqstan" toby arqyly belsendi túrde talap etip, parlamentte trıbýnaǵa shyǵarǵymyz kelip otyr, – dedi Aıdos Sarym jumys tobynyń qurylýyna baılanysty ótken baspasóz máslıhatynda.