Atyraýda oblystyq densaýlyq saqtaý basqarmasy basshysynyń orynbasary Nurqýat Nýdın ustaldy. Bul týraly AqJaıyq basylymy habarlady.
Densaýlyq saqtaý basqarmasy basqarma basshysynyń orynbasary 10 aqpanda ustalǵanyn rastady.
30 jastaǵy Nurqýat Nýdın densaýlyq saqtaý basqarmasy basshysynyń orynbasary bolyp ótken jyldyń sáýir aıynda taǵaıyndalǵan bolatyn. Ol basqarmanyń qarjy máselelerine jetekshilik etken.
Ekonomıkalyq tergeý departamenti ázirge eshqandaı málimet bere almaıtynyn habarlady.
Alaıda onyń 2019 jyldyń sáýirinen 2021 jyldyń naýryz aıyna deıin oblystyq qurylys basqarmasy bastyǵynyń orynbasary qyzmetin atqarǵany jáne oǵan Qylmystyq kodekstiń 189-baby (Senip tapsyrylǵan bógde múlikti ıemdenip alý nemese talan-tarajǵa salý) boıynsha aıyp taǵylǵany belgili boldy.
Basylymnyń habarlaýynsha, ol paıdalanýǵa berilmegen áleýmettik mańyzy bar nysandar boıynsha oryndalǵan jumystardyń aktilerine qol qoıǵan dep aıyptalyp otyr.
