DSM sanıtarlyq-epıdemıologıalyq baqylaý komıtetiniń resmı ókili Erjan Baıtanaev perzenthanalarda sábılerge koronavırýsqa qarsy vaksına egilip jatyr degen aqparatty joqqa shyǵardy.

– Bizdiń elimizde de, álemde de jańa týǵan nárestelerdi COVID-19-ǵa qarsy vaksınasıalaý júrgizilip jatqan joq. Qazaqstanda 12 jastan asqan balalar ǵana COVID-19-ǵa qarsy egiledi. Ruqsat etilgen vaksına – Pfizer/BioNTech shyǵarǵan Comirnaty. Ony DDSU maquldady, – dedi komıtet ókili.

Onyń aıtýynsha, Qazaqstanda 12 jastan asqan jasóspirimderdi tek olardyń ata-analarynyń nemese qamqorshylarynyń erikti kelisimimen ǵana vaksınasıalaıdy.

Buǵan deıin áleýmettik jelilerde nárestelerdi COVID-19-ǵa qarsy vaksınasyz perzenthanalardan shyǵarmaıtyny týraly aqparat taraǵan bolatyn.