Belgili qazaqstandyq jýrnalıs Dınara Egeýbaeva áleýmettik jelidegi paraqshasynda semeılik qurmetti donor Syrym Aıdarhanovtyń aıaýsyz azaptalǵany týraly jazdy.

– 1988 jyly týǵan Aıdarhanov Syrym Qaıratuly 6 qańtarda Semeıdegi alańǵa beıbit sherýge shyqqan. Adamdardy ata bastaǵan kezde barlyǵy dúrligip, qasha jónelgen. Jaralylar kómek surap, Syrym solarǵa kómektesken. Sondyqtan qashyp úlgermeı, ustalyp qalǵan. Syrymnyń anasy ulynyń qaıda ekenin 4 kúnnen keıin ǵana bilgen. Ony Óskemendegi tergeý ızolátorynan tabady. Ol ulyn bir aıdan keıin ǵana kóre aldy, – dedi Egeýbaeva.

Jýrnalıs jazbasynda Syrym Aıdarhanov qurmetti donor ekenin jáne únemi qan tapsyryp, kómektesip júretinin atap ótti. Ol 4 jyl buryn dertke shaldyqqan týysqanyna esh oılanbastan bir búıregin bergen.

– Anasy ony 4 kún boıy urǵanyn aıtady. "Sen qarsy kelgen qudaı men bılik aldyńda turmyz dep aıqaılaǵan. Qaı jaǵynda búırek joq ekenin surady. Syrym álsiz sol jaǵynan urmas úshin oń jaǵyn kórsetken. Biraq bul kómektespedi. Búıirinen, basynan urǵan. Quddy óltirgileri kelgendeı barlyq jerinen urǵan. Besinshi kúni Syrym es-túsin joǵaltty. Keıde óziniń tiri emes ekenin aıtqan daýystardy estigen. Biraq ol áli tiri edi, – dedi ol.

– Syrym otbasyndaǵy jalǵyz asyraýshy bolǵan. Óziniń jeke kóligimen aqsha taýyp júrgen. Qazir balalarynyń azyq-túligine aqsha kerek. Olar úsheýi sábı, – dep jazba avtory kópshilikten qarjylaı kómektesýdi surady.

Syrymnyń anasy Aımannyń rekvızıti tómendegideı: