Bilim jáne ǵylym vıse-mınıstri qyzmetine Aıbat İlıasov taǵaıyndaldy. Bul týraly premer-mınıstrdiń baspasóz qyzmeti habarlady.

Aıbat İlıasov 1982 jyly dúnıege kelgen. "Esepteý tehnıkasy jáne baǵdarlamalyq qamtamasyz etý" mamandyǵy boıynsha joǵary bilimi bar.

2006 jyldan 2007 jylǵa deıin "Ulttyq aqparattyq tehnologıalar" AQ aǵa ınjener-elektronıgi, bas mamany bolyp qyzmet etken.

2008 jyldan 2009 jylǵa deıin "Telekomýnıkasıa salasyndaǵy tehnıkalyq súıemeldeý jáne taldaý ortalyǵy" RMK bas mamany boldy.

2009 jyldan 2012 jylǵa deıin QR Joǵarǵy soty janyndaǵy sottardyń qyzmetin qamtamasyz etý departamentiniń bas sarapshysy, sektor meńgerýshisi, QR Ádilet mınıstrliginiń Aqparattandyrý jáne aqparattyq resýrstardy qorǵaý basqarmasynyń bas sarapshysy, basqarma basshysynyń mindetin atqarýshy bolyp jumys istedi. 

2013 jylǵy naýryz aıynan 2022 jylǵy aqpanǵa deıin Qazaqstan Respýblıkasy Ádilet mınıstrliginiń Aqparattandyrý jáne aqparattyq resýrstardy qorǵaý basqarmasynyń basshysy, Sıfrlandyrý jáne memlekettik qyzmetterdi avtomattandyrý departamentiniń dırektory qyzmetin atqarǵan.