Bas prokýratýra burynǵy Qorǵanys mınıstri Murat Bektanov qamalyp, ústinen qylmystyq is qozǵalǵanyn habarlady.

"2022 jylǵy 19 aqpanda Bas prokýratýra burynǵy Qorǵanys mınıstri Murat Káribaıuly Bektanovqa qatysty Qazaqstan Respýblıkasy Qylmystyq kodeksiniń 452-baby áreketsizdik faktisi boıynsha sotqa deıingi tergep-tekserýdi bastady.

2022 jylǵy 20 aqpanda M. K. Bektanov osy qylmysty jasady degen kúdikpen ustalyp, ýaqytsha ustaý ızolátoryna qamaldy" delingen Bas prokýratýra habarlamasynda.

Buǵan deıin Murat Bektanov ustalǵany týraly aqparat taraǵan.

Eks-mınıstr qyzmetinen 19 qańtar kúni alynǵan.

Prezıdent Q.Toqaev qańtar oqıǵasy kezinde qarýly kúshter ózine senimsiz ári qabiletsiz basshylyǵynyń kesirinen júktelgen mindetterdi tıisti deńgeıde atqara almaǵanyn, Bektanov komandırlik qabiletin kórsete almaǵanyn málim etken.