Nur-Sultan qalalyq soty Qazaqstannyń burynǵy qorǵanys mınıstri Murat Bektanovty qamaýǵa alýǵa sanksıa berdi.
"2022 jylǵy 22 aqpanda Nur-Sultan qalasynyń mamandandyrylǵan aýdanaralyq tergeý soty kúdikti M.K.Bektanovqa qatysty eki aı merzimge qamaýǵa alý túrindegi bultartpaý sharasyn taǵaıyndady" delingen habarlamada.
Sotqa deıingi tergep-tekserýdiń basqa da derekteri Qylmystyq is júrgizý kodeksiniń 201-babyna sáıkes jarıa etilmeıtini habarlandy.
21 aqpanda Murat Bektanov qamaýǵa alynǵany, ústinen qylmystyq kodekstiń 452-baby (áreketsizdik faktisi) boıynsha sotqa deıingi tergep-tekserý bastalǵany habarlanǵan.
Eks-mınıstr qyzmetinen 19 qańtar kúni ketken bolatyn.
Pikir qaldyrý