Májilis depýtaty Darıǵa Nazarbaeva ókilettigin toqtatady. Bul týraly Zakon.kz basylymy habarlady.
"Búgin parlament májilisiniń depýtaty retindegi ókilettigimdi toqtatý týraly sheshim qabyldadym. Endi ózimdi tolyqtaı qoǵamdyq, gýmanıtarlyq, mádenı jáne qaıyrymdylyq jumystarǵa arnaımyn" deıdi ol.
Buǵan deıin májilis depýtaty Aıdos Sarym Darıǵa Nazarbaeva otstavkaǵa ótinish jazýy kerek degen bolatyn.
"Qalyptasqan jaǵdaıǵa baılanysty adam retinde, azamat retinde ol otstavkaǵa ótinish bildirýi kerek" degen ol Darıǵa Nazarbaevaǵa senimsizdik tanytatynyn jetkizgen.
Darıǵa Nazarbaeva qańtardaǵy halyq narazylyǵynan beri májilistegi jıyndarǵa kelgen joq. Qańtardyń basynan beri kópshilik aldyna da shyqpady. Resmı aqparat boıynsha ol aqysyz demalysta boldy. Koronavırýs juqtyryp, Almatydaǵy úıinde emdelip jatty. Beıresmı aqparattarda ol Dýbaıda ekeni aıtylady. Ol 28 qańtarda NurOtan partıasy saıası keńesi quramynan shyǵarylǵan.
Pikir qaldyrý