Ulttyq bank pen "Qazaqstan qor bırjasy" birlesken málimdeme jarıalady.
Ol jerde teńge – AQSH dollary valúta juby boıynsha saýda-sattyq reglamentin ózgertý týraly sheshim qabyldanǵany aıtylady.
Atap aıtqanda, 28 aqpanda saýda-sattyq Nur-Sultan qalasynyń ýaqyty boıynsha saǵat 15-00-de Frankfýrt aýksıony formatynda ashylady.
"Bul sharalar ýaqytsha sıpatqa ıe, belgisizdiktiń joǵary dárejesin jáne syrtqy geosaıası faktorlar tarapynan valúta naryǵyna jáne el ishindegi qarjylyq turaqtylyqqa kórsetiletin qysymdy barynsha azaıtý qajettiligin kórsetedi.
Sonymen qosa, syrtqy qarjy naryqtaryndaǵy qazirgi sáttegi asa aıqyndalmaǵan jaǵdaılardyń ózgerýine qaraı Ulttyq Bank "Qazaqstan qor bırjasy" AQ-pen birlesip 28 aqpanda Nur-Sultan ýaqyty boıynsha saǵat 15-00-ge deıin bırjalyq valútalyq saýda-sattyqty tolyq toqtata turý týraly máseleni qaraýy múmkin" delingen aqparattyq habarlamada.
Qazirgi ýaqytta aqsha aıyrbastaý pýntteriniń jumysy toqtatylǵan. Aıyrbas pýnktteri jabylǵanǵa deıin 1 dollar 476-478 teńgeden, 1 eýro 528-531 teńgeden satylǵan.
Pikir qaldyrý