28 aqpannan bastap reseılik ushaqtarǵa Eýroodaq aýmaǵynyń ústinen ushýǵa tyıym salyndy. Bul týraly Eýropalyq komısıa basshysy Ýrsýla fon der Láıen 27 aqpanǵa qaraǵan túni málimdedi.

– Biz Eýroodaqtyń áýe keńistigin Reseıge jaýyp jatyrmyz. Biz Reseıge tıesili, Reseıde tirkelgen, Reseı baqylaýyndaǵy barlyq ushaqtarǵa tyıym salyp jatyrmyz. Olar endi Eýroodaqtyń áýe keńistigi arqyly qonyp, usha almaıdy, – dedi Eýrokomıssıa tóraǵasy.

Sonymen qatar, ol EO-nyń qarjylyq turaqtylyǵy úshin qajetti operasıalardy qospaǵanda, Ortalyq banktiń rezervteri men aktıvterin basqarýǵa baılanysty operasıalarǵa tyıym salynatynyn aıtty.

Bul shekteýler Reseı Ortalyq bankiniń atynan nemese onyń nusqaýy boıynsha áreket etetin kez kelgen zańdy tulǵalarǵa qatysty.