Qorǵanys mınıstrligi kóktem kelýimen Jambyl oblysy Baızaq aýdanyndaǵy jarylys kezinde iz-tússiz joǵalǵan serjant Baýyrjan Dáýitbaevty izdeý jumystary qaıta bastalatynyn habarlady.
Serjannnyń denesi áli kúnge deıin tabylmaǵandyqtan, onyń jaqyndary memlekettik kompensasıadan qaǵylyp otyr.
Mınıstrlik málimetinshe, izdeý jumystary qysqy maýsymǵa baılanysty ýaqytsha toqtatylǵan.
Jarylystan qaza tapqandardyń otbasy memleketten tómendegideı kompensasıa túrlerin alǵan.
- Qaza tapqan áskerı qyzmetkerlerge birrettik kompensasıa – 60 960 000 teńge (5 adam)
- Qaza tapqan áskerı qyzmetkerlerdi jerleýge kompensasıa – 1 166 700 teńge (5 adam)
- Áskerı qyzmetkerdiń qaza tabýyna baılanysty bes jyldyq jalaqysy mólsherindegi kompansasıa – 52 417 800 teńge (5 adam)
26 tamyz kúni keshki ýaqytta Jambyl oblysy Baızaq aýdanynda ornalasqan áskerı bólim qoımalarynyń birinde órt shyǵyp, artynsha oq-dáriler jarylǵan.
Jarylys saldarynan 17 adam qaza taýyp, áskerı bólim mańyndaǵy Qaınar aýylyndaǵy ǵımarattar búlingen.
Habar-osharsyz ketken 34 jastaǵy serjant Baýyrjan Dáýitbaev áli tabylmady.
Pikir qaldyrý