Belgili saıasattanýshy Dosym Satpaev kúlbilteleıtin dıplomatıanyń ýaqyty ótti, Qazaqstan óziniń nyq pozısıasyn tańdaýy kerek dep sanaıdy. Bul týraly ol "Qazaqstandyqtardyń Ýkraınaǵa gýmanıtarlyq kómegi jáne gýmanıtarlyq apat" pres-konferensıasynda aıtty.

– Qazirgi ýaqytta álem naqty eki lagerge bólinip tur: biri – Ýkraınadaǵy jaǵdaılardy agresıa, soǵys, belgili bir dárejede genosıd dep sanaıtyndar, biri – Ýkraınadaǵy jaǵdaıdy "azat etý operasıasy" deıtinder. Sońǵylarynyń qatary az. Menińshe, Qazaqstanǵa ustanymyn naqtylaıtyn kez keldi, –  deıdi ol.

Sondaı-aq saıasattanýshy bıznesmender alǵash ret Qazaqstan Eýrazıalyq ekonomıkalyq odaqtan shyǵýy kerek dep aıtyp otyrǵanyn jetkizdi.

– Qazaqstan bıligi saıası kózqaras turǵysynan abaılap áreket etip otyrǵanyn túsinemin. Biraq qazir sanksıa tolqyny Qazaqstanǵa da salqynyn tıgizetinin kórip otyrmyz. Men kásibı ekonomıs, bıznesmenderdiń pikirin oqımyn. Olar ekonomıkaǵa tóner qaýipti baǵalaı alady. Qazir olar dúrligip otyr. Olar sanksıa sharalary Qazaqstanǵa da salyna ma dep alańdaıdy, – deıdi ol.