Búgin Reseıdiń Ýkraınaǵa shabýyldap jatqanyna on úshinshi kúni. "El astanasy Kıev pen soltústiktegi Chernıgov qalasy áli de ýkraındardyń qolynda" dep habarlady BBC.

Ýkraına tarapy reseılik áske shabýyldaý operasıasyn jalǵastyryp jatqanyn, biraq onyń alǵa jyljý qarqyny aıtarlyqtaı báseńdegenin málimdedi.

Ýkraına qarýly kúshteriniń bas shtaby 8 naýryzda jergilikti ýaqyt 06:00-degi jaǵdaı boıynsha ýkraın áskerleri ońtústik, shyǵys jáne soltústik sektorlarda qorǵanysty jalǵastyryp jatqanyn habarlady. 

Onda eldiń áýe qorǵanysy zymyrandyq jáne áýe shabýyldaryna sátti toıtarys bergeni aıtylǵan.

"Okýpanttar moraldy umytty, tonaý áreketteri barǵan saıyn jıilep barady. Sondaı-aq olar áskerı qaqtyǵystar týraly halyqaralyq gýmanıtarlyq quqyq normalaryn buzýda" deıdi Ýkraın tarapy.

Ýkraına áskerıleri Reseı qazirgi tańda psıhologıalyq soǵys pen basqynshylardyń kúshteri basyp alynǵan aýmaqtarda jergilikti turǵyndarǵa yqpal etý úshin "nasıhat jumystaryn" júrgizip jatqanyn aıtady.