Twitter Reseı elshiliginiń postyn óshirip tastady. Twitter jelisi Londondaǵy Reseı elshiliginiń "ýkraınadaǵy aýrýhanany reseılik kúshterdiń bombalaýy- jalǵan aqparat" degen eki jazbasyn óshirdi.
Sársenbi kúni Ýkraınanyń Marıýpol aýrýhanasyna shabýyl jasalyp, úsh adam qaza tapty.
Biraq Reseı elshiliginiń tvıtterinde "aýrýhana ol kezde jumys istemegen jáne oqıǵa ornynda sýretke túsken jaralanǵan áıelder akterler bolǵan" degen negizsiz málimdemeler jasaldy.
Twitter ókili Reseı elshiliginiń bul ótirigi tvıtterdiń zorlyq-zombylyq oqıǵalaryn joqqa shyǵarýǵa baılanysty erejelerin buzatynyn aıtty.
Reseı elshiliginiń qyzmetkerleri óz talaptaryn rastaıtyn eshqandaı dálel usynbady.
Reseı elshiligi aýrýhana "uzaq ýaqyt boıy jumys istemedi" dep málimdedi. Degenmen, aýrýhananyń Facebook paraqshasynda bir apta buryn jarıalanǵan jazbada aýrýhana operasıany jalǵastyrý úshin janarmaı suraǵan.
Ótken aptada Sky News jáne Associated Press aqparat agenttigi Marıýpolde jarylystan zardap shekkenderdiń emdelip jatqanyn jáne perzenthana jertólege kóshirilgenin aıtady.
Reseı taraptyń "oqıǵa ornynda júkti áıeldiń fotosýretterin jasaý úshin sulýlyq blogeriniń qoldanylǵany" týraly málimdemesi de kúmán týdyrǵan óıtkeni qalada turatyn bul áıeldiń ótken aıdaǵy Instagram jazbalarynda júkti bolǵany baıqalǵan.
Reseı tarapy bastabynda "jarylysty Ýkraına qoldan jasady" degen málimdemeler taratqan. Alaıda, ol málimdemeni Londondaǵy Reseı elshiligi jarıalaǵan joq.
"Jarylysty Ýkraına qoldan jasady" degen syńaıdaǵy málimdemeler aldymen Telegram habar almasý baǵdarlamasynyń reseılik qoldanýshylary arasynda tanymal bola bastady, sodan keıin memlekettik teledıdar jańalyqtary men chat-shoýlarynda ataldy.
Bundaı negizsiz jalǵan málimdemelerdiń barlyǵy tvıtterde joıylǵanyna qaramastan jelide taralýda.
Júkti sulýlyq blogeriniń Instagram akkaýnty endi onlaın trollder men qastandyq teoretıkteriniń nysanasyna aınaldy.
Áleýmettik medıa kompanıalary ózderiniń platformalarynda jalǵan aqparatpen kúresýge tyrysýda, kóptegen iri tehnologıalyq kompanıalar reseılik RT jáne Sputnik habar taratýshylaryn buǵattady.
Biraq Twitter reseılik úkimettik uıymdarmen baılanysy bar birneshe akkaýnttarǵa, sonyń ishinde Vladımır Pýtınniń Twitter-degi resmı akkaýntyna tyıym salǵan joq.
Reseı elshiliginiń akkaýnty da belsendi kúıinde.
Pikir qaldyrý