Qańtar oqıǵasyn tergeý: Aralyq qorytyndy habarlandy

/image/2022/03/14/crop-27_98_697x1239_6220581c53597853284969.jpg

Bas prokýror Berik Asylov májilistiń jalpy otyrysynda qańtar oqıǵasyna baılanysty júrip jatqan tergeý jumystarynyń aralyq qorytyndylary týraly baıandady. Berik Asylov málimdemesindegi mańyzdy tustar tómende usynylyp otyr.

♦ Qańtar oqıǵasy kezinde qaza tapqandardyń jalpy sany 230-ǵa jetti. Onyń ishinde Almatyda 11, Almaty oblysynda 8, Tarazda 1, jalpy 20 adam kezdeısoq jaǵdaıda oqqa ushqan. Olardyń arasynda atys kezinde mert bolǵan, búlikshilerdiń qolynan qaza tapqan, blokbekettegi áskerılerdiń talabyna baǵynbaǵandar bar. Oqıǵa kezinde 19 áskerı men polısıa ókili kóz jumǵan.

♦ Qańtar oqıǵasyn tergeý boıynsha 35 myńnan astam jedel-tergeý is-qımyly júrgizilgen, onyń ishinde 20 myńy tekserýler, jaýap alý, tintý. 3,5 myń sot saraptamasy taǵaıyndalǵan. 766 kúdikti tutqyndalǵan. Kúdiktilerdiń deni jumyssyz, joǵary bilimi joq 30 jasqa deıingi jastar. Olardyń arasynda destrýktıvti dinı aǵymdardyń 19 jaqtaýshysy, tyıym salynǵan ekstremıstik uıymdardyń 27 belsendisi, uıymdasqan qylmystyq toptardyń 24 múshesi bar.

♦ Qańtar oqıǵasy boıynsha 3 770 qylmystyq is qozǵalǵan. Olardyń basym kópshiligi adam óltirý, urlyq, qaraqshylyq, buzaqylyq, qarý urlaý derekteri boıynsha júrip jatyr.

♦ Antıkor tergeý kezindegi azaptaý, qyzmettik ókiletti asyra paıdalaný faktileri boıynsha 234 isti, prokýratýra 243 isti júrgizip jatyr. 9 adam qamalǵan.

♦ Útikpen kúıdirip azaptaǵan 11 jaǵdaı tirkelgen.

♦ Ýaqytsha ustaý ızolátorlarynda azaptaý faktilerinen 8 adam mert bolǵan.

♦ Memleketke opasyzdyq jasady degen kúdikpen 15 is qozǵalǵan. Onyń ishinde UQK burynǵy tóraǵasy Kárim Másimov pen onyń úsh orynbasary bar.

♦ Almaty qalasy, Almaty, Jambyl, Qyzylorda oblysy UQK departamentiniń basshylary oqıǵa kezinde ǵımarattaryn qarýymen qosa tastap ketken. Osyndaı derekterge baılanysty 7 qylmystyq is qozǵalǵan.

♦Búlikshiler turǵyndardy qorqytyp, memlekettik organdardyń jumysyn toqtatýǵa tyrysqandyqtan qańtar oqıǵasy kezindegi zańbuzýshylyqtarǵa terorıstik akt sıpaty berilgen.

Qańtar oqıǵasyn tergeý: Aralyq qorytyndy habarlandy

Qatysty tegter :

Pikir qaldyrý

Qatysty Maqalalar