Prezıdent Q.Toqaev dástúrli joldaýy barysynda májilisti jasaqtaý júıesine ózgeris engiziletinin aıtty.

Prezıdent endigide májilistiń 70 paıyzy proporsıonaldyq ıaǵnı partıalyq júıe boıynsha, 30 paıyzy majorıtarlyq júıe (ózin-ózi usyný) boıynsha jasaqtalatynyn málimdedi.

Sondaı-aq ol partıalardy tirkeý prosedýrasy jeńildeıtinin, tirkeý tabaldyryǵy 4 esege 20 myń adamnan, 5 myń adamǵa deıin tómendetiletinin aıtty.

Aımaqtyq ókildikterdiń sany 600-den 200 adamǵa, bastamashyl top ókilderi 1000 alamnan 700 adamǵa deıin tómendetiledi.

Budan bólek Toqaev prezıdenttiń partıaǵa múshe bolýyna zań júzinde tyıym salý, Ortalyq saılaý komısıasy tóraǵasy men múshelerin, esep komıteti, konstıtýsıalyq keńes múshelerin partıa quramynan shyǵarý, ákimderge partıa fılıaldaryn basqarýǵa tyıym salý, prezıdenttiń jaqyn týystaryna saıası laýazymdar men kvazımemlekettik qurylymdardy basqarýǵa tyıym salý usynystaryn kóterdi.