Ýkraına Qarýly Kúshteri tańǵy brıfıńin jarıalap, "basqynshy ásker tobyna joıqyn soqqylar" jasaı alǵanyn málimdedi.

Olardyń aıtýynsha, ýkraın áýe kúshteri Reseıdiń úsh áskerı ushaǵyn, bir tikushaqty, úsh ushqyshsyz ushatyn apparatty joıyp, eki zymyrandy atyp túsirgen.

Ýkraına armıasy sondaı-aq Reseı osy aptada "Ýkraına qalalarynyń halyq tyǵyz ornalasqan aýdandaryn" bombalaýdy jalǵastyrǵanymen, Donestk, Lýgansk jáne Nıkolaev sıaqty birneshe maıdanda alǵa jyljı almaǵanyn aıtty.

"Jaý belgili bir aımaqtarda sheginip, shyǵynǵa ushyraýda" delingen habarlamada.

Keshe túnde jarıalanǵan habarlamada Ýkraına armıasy Reseı basyp alǵan jerlerdi ustap turýǵa tyrysyp jatqanyn, sonymen qatar Máskeý áskerı kýrsanttardy maıdanǵa shaqyrýǵa májbúr bolǵanyn málimdedi.

Sondaı-aq Reseı áskerı shyǵynnyń ornyn toltyrý úshin sheteldik jaýyngerlerdi izdep jatqany habarlandy.

Keıbir sarapshylar Reseı Ýkraınanyń turaqty jáne qatty qarsylyǵyna ushyrap, shabýyl operasıalaryn jalǵastyrýda qıyndyqqa tap bolyp jatqanyn aıtady.