Almatydaǵy aýa raıynyń qubylýyna baılanysty 19 naýryzǵa josparlanǵan qalalyq senbilik keıinge shegerildi.

"Ókinishke qaraı, aýa raıynyń qolaısyzdyǵyna baılanysty 19 naýryzǵa josparlanǵan senbilikti aýystyrýǵa májbúrmiz. Sınoptıkterdiń sońǵy málimetteri boıynsha, dál sol kúni aýa temperatýrasy tómendeıdi jáne qar aralas jańbyr jaýady dep kútilýde.

Senbilikti aýystyrýǵa  túsinistikpen qaraýdy suraımyz. Aýa raıy qalpyna kelgen soń biz bárimizbirge súıikti qalamyzdyń aýlalaryn, saıabaqtaryn jáne skverlerin tazalaýǵa shyǵamyz.

Biz aýa raıy boljamyn qadaǵalaıtyn bolamyz jáne senbilik ótetin kún men ýaqytyn mindetti túrde habarlaımyz" delingen habarlamada.

Qazgıdromet 17-19 naýryz aralyǵynda eldiń ońtústik jartysyna ońtústik sıklon jáne onymen baılanysty atmosferalyq fronttar áser etetinin, soǵan baılanysty jaýyn-shashyn, keıde qar aralas jańbyr mol túsip, kóktaıǵaq bolýy múmkin ekenin málimdegen.