Reseıdiń Ýkraınaǵa basqynshylyǵyna 1 aı tolǵanda NATO, G7 jáne EO elderi Belgıa astanasy Brússelde bas qosady.

VVS Reseı basqynshylyǵy NATO alánsynyń aldyna jańa maqsattar qoıǵanyn habarlaıdy. EO Reseımen energetıkalyq baılanystaryn úzýge tyrysyp jatqandyqtan, oǵan basqa qarym-qatynastaryn, ásirese ASH-pen arasyn rettep alý kerek. 

Ýkraına prezıdenti Vladımır Zelenskıı NATO men ES elderi basshylarymen baınebaılanys arqyly sóılesedi.

30 prezıdent pen premer-mınıstr Ýkraınaǵa qoldaýdy kúsheıtýge kelisedi dep kútilýde. Kópshiligi Ýkraınaǵa qarý berýge ázir. Ázirese, Ulybrıtanıa qorǵanys salasyndaǵy kómegin arttyrýǵa daıyn ekenin jetkizdi.

Alaıda áskerı aláns soǵysqa tikeleı aralaspaıtynyn anyq uqtyryp otyr. Sondaı-aq Zelenskııdiń Ýkraına áýesinde ushýǵa tyıym salynǵan aımaq qurý týraly ótinishi de eskerilmedi.

VVS sonymen qatar Ýkraınadaǵy qaqtyǵys kezinde Reseı batystyq áskerı kerýenge shabýyl jasasa, hımıalyq nemese taktıkalyq ıadrolyq qarý qoldansa, NATO-nyń qandaı áreketke baratyny anyq emes deıdi.