Reseı qorǵanys mınıstriniń orynbasary Kıev pen Chernıgov qalasynyń aınalasyndaǵy urys qımyldaryn kúrt qysqartatynyn aıtty. Ol Ýkraına delegasıasymen betpe-bet kelissózder júrgizý úshin Ystambulda resmı tulǵalardyń qatarynda bolǵan.

Kelissózge muryndyq bolǵan Túrkıa prezıdenti Erdoǵan búgingi nátıjeniń aıtarlyqtaı ilgerileýshilik bolǵanyn aıtty. Biraq AQSH Memlekettik hatshysy Antonı Blınken "Reseıdiń aıtqany men istep jatqanynyń arasynda aıyrmashylyq bar" deıdi.

Chernıgov meri reseılikter sózinde tura ma, turmaı ma, ýaqyt kórsetetinin aıtady.

Al reseılik kelissózshi deeskalasıa "atysty toqtatý emes" dep eskertedi.

AQSH sheneýniginiń aıtýynsha, keıbir reseılik ásker Kıevtiń mańynan ketip jatyr, biraq munyń "ne maǵyna bildiretinin ýaqyt kórsetedi".

Ýkraına komandasy "beıtarap" statýsty qabyldaıtynyn aıtty, bul NATO sıaqty alánstarǵa qosylmaý degendi bildiredi.

AQSH ta, Ulybrıtanıa da Reseıdi sózimen emes, is-áreketimen baǵalaıtynyn jetkizdi.