Beısenbi kúni BUU-da Reseıdi BUU-nyń Adam quqyqtary keńesiniń músheliginen shyǵarý máselesi daýysqa salynady.

Qarar Reseıdiń Kıev irgesindegi Býcha qalasynda beıbit turǵyndardy óltirýine baılanysty qabyldanǵaly otyr.

Reseıdiń Nú-Iorktegi BUU janyndaǵy mısıasy memleketterdi "Reseıge qarsy qararǵa kelispeýge" shaqyrdy. Erejege saı, qarardy keńeske múshe elderdiń úshten ekisi qoldasa, Reseı keńesten shyǵarylady.

Reseı BUU-daǵy elderge Máskeýdi Adam quqyqtary jónindegi keńestiń músheliginen shyǵarý usynysyna "ıá" dep daýys berý nemese qalys qalý "Reseımen dos emes" áreket retinde qarastyrylatynyn eskertti. 

"Reseı BUU múshelerine "bizben birgesińder me álde bizge qarsysyńdar ma?" dep doq kórsetti" dep jazdy Financial Times basylymy.

Basylymnyń habarlaýynsha, Máskeý ózin Adam quqyqtary jónindegi keńesten shyǵarýǵa daýys bergenderdi AQSH-qa qoldaý kórsetti dep baǵalaıtynyn jetkizgen.