"Ýkraına shyǵysta úlken synaqqa tap bolady" dep baǵalaıdy AQSH Ortalyq barlaý basqarmasynyń burynǵy dırektory. Bul týraly BBC habarlady.

Onyń aıtýynsha, Reseı áskeri eldiń shyǵysynda qýatty jańa shabýylǵa daıyndalyp jatyr.

Devıd Petreýs "bul soǵys kezinde alǵash ret reseılikter barlyq kúsh-jigerin Ýkraınanyń ár jerinde emes, bir aımaqta jınaǵanyn kóremiz" deıdi.

Ol shyǵystaǵy jaǵdaı birqatar faktorlarǵa baılanysty bolatynyn jetkizdi.

Bir faktor retinde Ýkraınaǵa qosymsha qaýipsizdik kómegi qanshalyqty jyldam jetetinin atady.

Ol Reseı prezıdenti Vladımır Pýtın dál qazir kelissózderge múddeli emes sıaqty ekenin atap ótip, "Pýtın 9 mamyrda Máskeýde ótetin jyl saıynǵy Jeńis kúni sherýine oraı aıtarlyqtaı tabysqa jetýdi qalaıdy" deıdi.