Ýkraınaǵa basqynshylyq soǵys júrgizip jatqan Reseıdiń memlekettik aqparat quraldarynyń habarlaýynsha, dúısenbi kúni orys áskerıleri Ýkraınada barlyǵy 315 nysanǵa soqqy berip, birneshe qalany bombalaǵan.
"Reseı qorǵanys mınıstrligi qysqa qashyqtyqqa ushatyn zymyrandarymen Ýkraınadaǵy tórt qarý-jaraq pen áskerı tehnıka qoımasyn bir túnde joıǵanyn málimdedi" dep habarlady TASS aqparat agenttigi.
Reseı qorǵanys mınıstrliginiń baspasóz hatshysy Igor Konashenkov "Joǵary dáldiktegi áýeden ushyrylatyn zymyrandar túnde Ýkraınanyń 16 áskerı nysanyn qıratty" dedi.
Ol Reseıdiń áýe shabýylyna qarsy qorǵanys júıeleri eki ýkraındyq joıǵyshty atyp túsirgenin aıtty.
Aqparatta táýelsiz tekserý qıyn. Reseı baspasózi Ýkraınadaǵy soǵysqa baılanysty dezınformasıa jıi taratady.
Pikir qaldyrý