Qaznıdromet búginen bastap aldaǵy eki táýlikte Qazaqstan boıynsha sınoptıkalyq prosesterdiń jyldam aýysýy boljanyp otyrǵanyn habarlady.

Aýa raıynyń qubylmaly sıpaty kútiledi: jaýyn-shashyn (kóbinese jańbyr túrinde), naızaǵaı, jeldiń kúsheıýi oryn alady. Eldiń ońtústiginde, ońtústik-shyǵysynda jáne shyǵysynda qatty jel soǵyp, qatty jańbyr jaýady, sondaı-aq burshaq jaýý yqtımaldyǵy bar. Ótken túnde respýblıkanyń soltústik-batysy men soltústiginde aýa temperatýrasynyń aıtarlyqtaı tómendeýine sebep bolǵan soltústik-batys antısıklony, óziniń áserin saqtap, shyǵys baǵytqa qaraı jyljýda: eldiń ortalyǵy men shyǵysynda aýa temperatýrasynyń birtindep tómendeýi kútiledi – túnde mınýs 3 pen plús 5 jyly, kúndiz 5-15 jyly, Qaraǵandy jáne Shyǵys Qazaqstan oblystarynyń ońtústiginde 20 gradýsqa deıin jyly bolady dep boljanýda" delingen Qazgıdromet habarlamasynda.