Qaraǵandy oblysy monopolıaǵa qarsy departamenti qanttyń kóterme saýdadaǵy baǵasyn qoldan qymbattatqandardy anyqtady.
Atalǵan jaıt 2021 jylǵy tamyz-jeltoqsan jáne 2022 jylǵy qańtar-aqpan aılarynda Qaraǵandy oblysynyń shekarasyndaǵy qantty kóterme saýdada ótkizý naryǵyndaǵy básekeles ortanyń jaı-kúıine taldaý júrgizý barysynda belgili bolǵan.
Taldaý qorytyndysy boıynsha "Samadı-1", "Adal-Aspan", "Aron KZ" jáne "ErAı-2012" kompanıalary qantty kóterme satý baǵasyn bir ýaqytta kóterip, bir ýaqytta tómendetetini anyqtalǵan.
"Anyqtalǵan básekelestikti qorǵaý salasynda buzýshylyq belgileriniń negizinde Qaraǵandy oblysy boıynsha monopolıaǵa qarsy departamenti "Samadı-1" JSHS, "Adal-Aspan" JSHS, "Aron KZ" JSHS jáne "ErAı-2012" JSHS atyna olardy joıý týraly habarlama engizdi. Habarlamany oryndaý merzimi ony alǵan kúnnen bastap kúntizbelik otyz kúndi quraıdy" delingen taratylǵan aqparatta.
Departament monopolıaǵa qarsy organnyń habarlamasyn oryndamaý nemese ony tolyq kólemde oryndamaý, belgilengen oryndaý merzimderin buzý tergep-tekserý taǵaıyndaýǵa negiz bolatynyn málim etti.
Pikir qaldyrý