– 27 jyl buryn ótkizilgen referendýmda qazirgi Ata zań qabyldandy. Odan keıingi barlyq konstıtýsıalyq reforma parlamentte maquldandy. Negizinde, bul zańdy qalyptasqan tájirıbe. Biraq damýdyń jańa kezeńinde, Jańa Qazaqstandy qurý jolynda elimiz úshin osyndaı asa mańyzdy sheshimderdi búkil halyq bolyp qabyldaýymyz kerek. Buǵan kámil senemin. Sondyqtan búgin men Konstıtýsıaǵa ózgerister men tolyqtyrýlar engizý úshin 5 maýsymda respýblıkalyq referendým ótkizý týraly Jarlyqqa qol qoıdym, –degen ol konstıtýsıalyq reforma barlyq memlekettik modeldi keshendi túrde ózgertýge baǵyttalǵanyn, túzetýler "sýperprezıdenttik" basqarý úlgisinen yqpaldy parlamenti jáne esep beretin úkimeti bar prezıdenttik respýblıkaǵa túbegeıli kóshýdi kózdeıtinin atap ótti.
Prezıdent Q.Toqaev el konstıtýsıasyna ózgerister men tolyqtyrýlar engizý úshin 5 maýsymda respýblıkalyq referendým ótkizý týraly Jarlyqqa qol qoıǵanyn málim etti.
– Joldaýda aıtylǵan bastamalardyń negizgi maqsaty – saıası júıemizdi túbirimen ózgertý. Bul halyqtyń kóp jylǵy talap-tileginen týyndap otyr. Muny tıimdi júzege asyrý úshin Ata zańymyzǵa ózgerister engizý qajet. Bir sózben aıtqanda, konstıtýsıalyq reforma jasaý kerek. Osyǵan oraı meniń tapsyrmammen arnaýly jumys toby quryldy. Jumys toby Negizgi zańǵa engiziletin ózgerister men tolyqtyrýlardyń jobasyn ázirledi. Ony muqıat zerdelep, Konstıtýsıalyq keńeske joldadyq. Bul organ óz qorytyndysyn usyndy, – dedi prezıdent beıneúndeýinde.
Q.Toqaevtyń aıtýynsha, ata zań baptarynyń úshten biri ózgeredi.
Pikir qaldyrý