Kárim Másimov pen onyń úsh orynbasaryn qamaý merzimi uzartyldy

/image/2022/05/11/crop-4_2_263x468_crop-6_5_272x484_crop-4_9_653x1162_4e80ac00ab2f75c2.jpeg

UQK-niń eks-tóraǵasy Kárim Másimov pen onyń burynǵy orynbasarlaryn qamaý merzimi uzartyldy, dep jazady KazTAG saıty.

Másimov pen onyń eks-orynbasary Ánýar Sadyqulyn qamaý 13 maýsymǵa deıin uzartylǵany habarlandy.

Taǵy bir burynǵy orynbasary Dáýlet Erǵojındi 13 maýsymǵa deıin, úshinshi orynbasar Marat Osıpovty qamaý 22 mamyrǵa deıin uzartylǵan.

13 sáýir kúni Karimmassimov.com saıtynda qańtar oqıǵasynan keıin qamalǵan Kárim Másimovtiń densaýlyǵy nasharlaǵany, dárigerler ony dereý qamaýdan bosatý kerektigin aıtqany týraly aqparat shyqqan. Uzamaı UQK Másimov qamaýda ustaý jaǵdaıyna, onyń ishinde medısınalyq kómektiń kórsetilýine qatysty shaǵymdanbaǵanyn málim etti.

Búginde Másimovtiń tergeý kezinde anyqtalǵan múlki buǵattalǵan. Oǵan qatysty qylmystyq kodekstiń tómendegideı 5-baby boıynsha tergeý júrip jatyr.

♦ QK 336-baby 4-bóligi – "Para alý"

♦ QK 362-baby 4-bóligi 3-tarmaǵy – "Bılikti nemese laýazymdyq ókiletigin asyra paıdalaný"

♦ QK 175-baby 1-bóligi – "Memleketke opasyzdyq jasaý"

♦ QK 179-baby 3-bóligi – "Bılikti basyp alýdy nemese ustap turýdy nasıhattaý nemese oǵan jarıa túrde shaqyrý, sol sıaqty bılikti basyp alý nemese ustap turý ne Qazaqstan Respýblıkasynyń konstıtýsıalyq qurylysyn kúshtep ózgertý"

♦ QK 218-baby 3-bóligi 3-tarmaǵy – "Qylmystyq jolmen alynǵan aqshany jáne (nemese) ózge múlikti zańdastyrý (jylystatý)"

Kárim Másimov pen onyń úsh orynbasaryn qamaý merzimi uzartyldy

Qatysty tegter :

Pikir qaldyrý

Qatysty Maqalalar