Úkimet azamattardyń keı kategorıalarynyń zeınet jasyn tómendetýdi qarastyrady. Bul týraly premer-mınıstrdiń orynbasary Eraly Toǵjanov málim etti, dep jazady informburo saıty.
Jýrnalıser úkimet dálizinde vıse-premerden depýtattardyń shahterler, ónerkásip qyzmetkerleri men múgedekter úshin zeınet jasyn tómendetý qajettigi týraly málimdemelerine pikir bildirýdi suraǵan.
– Iá, kategorıa az emes. Másele talqylanatyn bolady. Shynyn aıtqanda másele kúrdeli. Biz halyqaralyq tájirıbeni de zerdeleımiz. Halyqaralyq tájirıbe zeınet jasyn múlde tómendetýdi maqsat etpeıdi. Tómendetý týraly shahterler ǵana emes, múgedek balasy bar analar da kóterip júr. Jyl sońyna deıin áleýmettik kodeks ázirlenetin bolady. Buny áli talqylaımyz, – deıdi ol.
Eraly Toǵjanov áıelderdiń zeınet jasyn tómendetý de qarastyrylyp jatqanyn atap ótti.
"Búginde áıelder úshin zeınet jasy 60-61 jas aralyǵynda. Másele kún tártibinde tur. Talqylaıtyn bolamyz" dedi premer-mınıstrdiń orynbasary.
Pikir qaldyrý