“QazSHah Federasıasy” respýblıkalyq qoǵamdyq birlestiginiń alǵashqy jınalysy ótti. Jıyn barysynda basshylyq qurylymnyń quramy bekitilip, birlestiktiń aldaǵy jumysyn júıelendirý jaıy talqylandy.

Ekonomıka ǵylymdarynyń doktory, QR Memlekettik syılyǵynyń laýreaty, akademık Orazaly Sábden “QazSHah” federasıasynyń qurmetti tóraǵasy bolyp taǵaıyndalsa, kásipker Talǵat Abdýllaev “QazSHah” federasıasynyń prezıdenti bolyp bekitildi. Federasıanyń I vıse-prezıdenti laýazymyna jýrnalıs Gúlnur Sálimbaı laıyq dep tanyldy.

Basqosýda federasıa músheleri birlestik jumysyn ilgeriletý joldary týraly pikir almasty. Alǵashqy týrnırdi ótkizý, eldiń ózge qalalarynan federasıa fılıalyn ashý, qazaq shahmatyn ulttyq oıyndar qataryny qosý sekildi naqty jumys jospary bekitildi.

Qazaq shahmaty klasıkalyq shahmattan aıyrmashylyǵy oıynǵa juptasqan 4 adam eki topqa bólinip synǵa túsedi. Oıyn nátıjesi boıynsha 2 oıynshy jeńiske jetedi. Bul komanda bolyp jumys isteýdi damytady, oıynshylardy birin-biri únsiz uǵyp, oımen túsinýge úndeıdi. Sol arqyly aýyzbirshilikke shaqyrady. Qazaq shahmatynyń avtorlary ónertapqysh Azat Baıserkeev, ekinshi avtor Sálimbaı Gúlnur.

Ádilet mınıstrliginde resmı tirkeýden ótip, zańdy tulǵa retinde jumysyn bastap ketken "QazSHah” federasıasy qazaq shahmatyn álemge alyp shyǵyp, sol arqyly el mereıin zıatkerlik sport básekelerinde ústem etýdi kózdeıdi.