Ýkraına prezıdenti Vladımır Zelenskıı "reseılik kúshter Donbasstyń shyǵys bóligin tolyǵymen qıratty" dep málimdedi.

Ol Reseıdiń shabýyly baǵyttalǵan aımaqtaǵy jaǵdaıdy sıpattaı otyryp "ol jer tozaqqa aınaldy, bul – artyq aıtqandyq emes" deıdi.

Lýgansk oblysynyń gýbernatory Sergeı Gaıdaı sońǵy 24 saǵatta reseılik shabýyldardan 13 beıbit turǵyn qaza tapqanyn dep málimdedi.

Al AQSH senatorlary Ýkraınaǵa 40 mıllıard dollarǵa jýyq kómek berý týraly qujatty maquldady. Bul – Reseıdiń Ýkraınaǵa basqynshylyq soǵysy bastalǵannan bergi eń úlken qoldaý paketi.

AQSH prezıdenti Djo Baıden sondaı-aq Fınlándıa men Shvesıanyń NATO-ǵa múshe bolý ótinishterin tolyq qoldaıtynyn aıtty.

Ulybrıtanıanyń premer-mınıstri Borıs Djonson bolsa, Reseıdi "Ýkraınanyń astyq eksportyna qaýipti kedergiler jasady" dep aıyptady.