Jazýshy, "Arasha", "Kesh qalmańyz" kitaptarynyń avtory Torǵyn Joldasbekqyzy baqıǵa attandy.

Jazýshy anasynan jas qalǵan. 25 jasynda ápkesi ekeýi anadan qyzǵa beriletin óte sırek kezdesetin genetıkalyq dertke shaldyqqan. Uzamaı Tolqyn múgedek arbasyna tańylǵan. Al ápkesiniń derti asqynyp dúnıe salǵan.

Torǵyn áńgime jazýdy 29 jasynda bastaǵan. Áńgimelerin áýeli áleýmettik jelige jarıalap, turaqty oqyrmany qalyptasqan soń shyǵarmalaryn kitap etip shyǵarǵan.

Byltyr Vİ GROUP kompanıasy uıymdastyrǵan "Qazaqstannyń laıyqty azamaty" jarysynda qos jeńimpazdyń biri atanyp, kompanıa salǵan turǵyn-úı keshenderiniń birinen baspana utyp alǵan.

Alaıda jazýshy óz úıinde bir jyl ǵana turyp úlgerdi. 18 sáýirde  37 jasqa tolǵan edi. Artynda kishkentaı qyzy qaldy.

Qamshy portalynyń redaksıasy Torǵyn Joldasbekqyzynyń qaıǵylaryna ortaqtasyp jaqyndaryna kóńil aıtady.

Tómende jazýshynyń Qamshyǵa bergen qos suhbaty usynylǵan:

♦ Torǵyn Joldasbekqyzy: Adam arbada otyrsa da múmkindigi shektelmeıdi

♦ "Kesh qalmany" tiri qalý úshin jazdym". Jazýshy Torǵynnyń ekinshi kitaby shyqty