Prezıdent Qasym-Jomart Toqaev Konstıtýsıany ózgertý jónindegi referendýmnyń maqsaty men mindetteri jaıly aıtty, dep habarlady prezıdenttiń baspasóz qyzmeti.
– Menen el ishinde de, shetelde de qazirgi memleket basshysy óziniń ókilettik merzimin referendým arqyly uzartýǵa, bylaısha aıtqanda, prezıdenttik merzimin jańadan bastaýǵa nıetti me dep surap jatady. Meniń jaýabym: mundaı nıet joq jáne bolmaıdy. Usynylǵan saıası jańǵyrtý baǵdarlamasy óziniń mazmuny boıynsha óte aýqymdy. Biraq basty nazar adam quqyqtary men bostandyqtaryn qorǵaý júıesin nyǵaıtýǵa, azamattardyń memlekettik basqarýǵa qatysýyn keńeıtýge, memlekettik ınstıtýttardyń ashyqtyǵy men tıimdiligin arttyrýǵa baǵyttalǵan, – dedi Toqaev Ulttyq ǵylym akademıasynyń 75 jyldyǵyna arnalǵan saltanatty sesıada.
Sondaı-aq prezıdent bul shara eldegi demokratıalyq dástúrlerdi nyǵaıtý jolyndaǵy mańyzdy qadam ekenin atap ótti.
Pikir qaldyrý