Prezıdent Qasym-Jomart Toqaev Ulttyq ǵylym akademıasynyń 75 jyldyǵyna arnalǵan saltanatty sesıada memlekettik týǵa qatysty keleńsiz oqıǵalarǵa qatysty pikir bildirdi.
Sońǵy oqıǵalardan keıin Toqaev memlekettik týdy paıdalaný tártibin qaıta qaraý kerek ekenin aıtty.
– Jastardyń otanshyldyq rýhyn kúsheıtý kerek. Qazir áleýmettik jelide memlekettik týdy qadirleý týraly kóptegen oı-pikirler aıtylýda. Ókinishke qaraı, qasıetti kók týymyzǵa baılanysty oryn alǵan jaǵymsyz jaǵdaılar azaımaı tur. Sondyqtan, baıraǵymyzdy paıdalaný tártibin qaıta qaraý kerek dep oılaımyn. Qajet bolsa, tıisti zańdarǵa ózgertýler engizýge bolady. Óıtkeni, kók týymyz – qasterli Táýelsizdigimizdiń sımvoly, – dedi Toqaev.
Pikir qaldyrý