Almaty oblysynyń kásipkerlik jáne ındýstrıaldy-ınnovasıalyq damý basqarmasynyń basshysy sybaılas jemqorlyq qylmysy úshin sottaldy, dep habarlady sybaılas jemqorlyqqa qarsy is qımyl agenttigi.
"Taldyqorǵan qalalyq sotynyń úkimimen Almaty oblysynyń kásipkerlik jáne ındýstrıaldy-ınnovasıalyq damý basqarmasynyń basshysy Tamerlan Razbekov pen "ASPMK-519" JSHS basshylyǵy sybaılas jemqorlyq qylmysy úshin kináli dep tanyldy" delingen habarlamada.
Tergeý jumystarynyń málimetterine súıensek, basqarma basshysy 2021 jyly JSHS-niń tehnıkalyq dırektory men bas dırektorynan 96 mıllıon teńgege oryndalǵan jumystyń aıaqtalǵany týraly aktige qol qoıýǵa kómek kórsetkeni úshin 33 500 dollar kóleminde para alǵan.
JSHS basshylyǵyna qatysty 3 jylǵa bas bostandyǵyn shekteý jazasy qoldanylǵan. Razbekovke 100,2 mıllıon teńge mólsherinde aıyppul salyndy, sondaı-aq ol, ómir boıyna memlekettik qyzmette qyzmet atqarý quqyǵynan aıyryldy.
Pikir qaldyrý