Búgin «AMANAT» partıasy QR Konstıtýsıasyna ózgerister men tolyqtyrýlar engizý boıynsha referendým ótkizýdi qoldaý Respýblıkalyq partıa shtabynyń jumysyn qorytyndylady.

Partıa janynan QR Parlamenti Májilisiniń Tóraǵasy, partıa Tóraǵasy Erlan Qoshanovtyń basshylyǵymen Respýblıkalyq shtab quryldy. Shtabqa Parlament depýtattary, zıaly qaýym, mádenıet, sport, jastar ókilderi jáne t.b. kirdi. Aımaqtarda oblystyq jáne aýdandyq deńgeıdegi shtabtar qurylyp, respýblıka boıynsha barlyǵy 218 shtab jumys istedi.

Partıanyń baspasóz ortalyǵynda ótken brıfıń barysynda «AMANAT» partıasynyń Atqarýshy hatshysy Asqat Oralov pen Parlament Májilisi tóraǵasynyń orynbasary Pavel Kazansev aqparattyq-túsindirý naýqanynyń nátıjeleri týraly aıtty.

«AMANAT» partıasy Prezıdenttiń qoǵamdyq tiregi retinde úgit-nasıhat jumysyna birinshi kúnnen bastap belsendi túrde kirisip ketti. Respýblıkalyq shtab quryldy. Oǵan partıa tóraǵasy Erlan Qoshanov jetekshilik etti. Aımaqtarda 217 shtab jumys istep, 12 myńnan asa úgit-nasıhat sharasy ótti. Barlyq kezdesýler erkin, ashyq formatta jasaldy. Biz olardyń sanyna emes, sapasyna mán berdik.

Konstıtýsıalyq ózgeristerdi halyqqa túsinikti tilmen jetkizýge tyrystyq. Keshe azamattar óz tańdaýyn jasap, eldiń bolashaq damý jolyna qatysty sheshim qabyldady. Osy arqyly elimiz Jańa Qazaqstannyń irgetasyn qalady. Alda kóp jumys, úlken mindetter tur», dedi Asqat Oralov.

Parlament Májilisi tóraǵasynyń orynbasary Pavel Kazansevtiń aıtýynsha, depýtattyq korpýstyń aldynda zań shyǵarýshylyq qyzmet boıynsha aýqymdy jumys tur.

«12 mamyr men 3 maýsym aralyǵynda depýtattar elimizdiń aımaqtaryndaǵy 1 204 eldi mekenge baryp, barlyq sala ókilderinen turatyn 120 myńǵa jýyq adamnyń qatysýymen 2,5 myńnan astam kezdesý ótkizdi. Kezdesýler beıresmı, senimdi túrde, ashyqtyq pen aıqyndyq jaǵdaıynda ótti. 6 myńnan astam ótinish pen usynys qaralyp, partıa men Úkimet tarapynan pysyqtalǵannan keıin azamattarǵa baıandalatyn bolady», dedi Pavel Kazansev.

Jalpy, Respýblıkalyq partıalyq shtab músheleri 6 mamyrdan 3 maýsymǵa deıin úgit-nasıhat jumystary aıasynda 12,7 myń is-shara ótkizdi. Olar shalǵaı eldi mekenderdiń, aýyldardyń, qalalardyń turǵyndarymen, jastarmen, muǵalimdermen, kásiporyn qyzmetkerlerimen kezdesti.

Daýys berý kúni «AMANAT» partıasynyń 28 myńǵa jýyq ókili elimizdiń barlyq saılaý ýchaskelerinde daýys berý barysy zańdylyǵynyń saqtalýyn qadaǵalady.

«AMANAT» partıasynyń baspasóz qyzmeti