Tamara Dúısenova áýeli bos jumys oryndaryna onlaın jármeńke ótkizý arqyly jastardy eńbekpen qamtý qolǵa alynatynyn atap ótti. Bos jumys oryndardyń alǵashqy onlaın-jármeńkesi 24-30 maýsym aralyǵynda ótedi dep josparlanǵan.
"Keleshekte aı saıyn turaqty uıymdastyrý kózdelip otyrǵan jármeńke tek kásiporyn ornalasqan aımaq turǵyndaryna ǵana emes, barlyq qazaqstandyqtarǵa birdeı qoljetimdi bolmaq" delingen vedomstvo habarlamasynda.
Dúısenova jumysqa ornalastyrýdyń ekinshi tetigi ulttyq jobalar arqyly júzege asyrylatynyn jetkizdi. Jergilikti atqarýshy organdardyń derekteri boıynsha, bıyl ulttyq jobalar aıasynda 269 myńnan astam jańa jumys orny ashylmaq.
Úshinshi, jumyspen qamtýdaǵy mańyzdy baǵyttardyń biri – platformalyq jumyspen qamtýdy taný jáne zańdastyrý.
– Saraptamalyq málimetterge júginsek, Qazaqstanda 500 myńǵa deıin adam platformalyq jumyspen qamtylǵan. Iaǵnı, azamattar Iandeks, Ýber, Vólt jáne Glovo sıaqty túrli onlaın-platformalar arqyly jumys isteıdi. Mundaı rejım turǵyndarǵa yńǵaıly ekeni sózsiz. Alaıda, onyń basty kemshiligi – jumyspen qamtylǵandar úshin áleýmettik kepildiktiń joqtyǵy. Bir sózben aıtqanda, ondaı azamat jumyssyz qalsa nemese júktiligine jáne balaly bolýyna baılanysty jumysyn toqtatsa, Memlekettik áleýmettik saqtandyrý qorynan qajetti áleýmettik tólem ala almaıdy. Osyǵan baılanysty, bul azamattardy áleýmettik qamsyzdandyrý júıesine tartý úshin, onlaın platformalardyń negizgi operatorlarymen kezdesýler ótkizdik. Olarmen birge bıylǵy 1 shildeden bastap qamtý sqemalaryn pılottyq rejımde júrgizý týraly sheshim qabyldadyq. Jumystyń nátıjesin jyl sońyna qaraı usynamyz, – dedi Tamara Dúısenova.
Tórtinshi, azamattardyń jekelegen sanattaryn jumysqa ornalastyrý jáne óz isin ashýǵa memlekettik qoldaý kórsetý.
Pikir qaldyrý