8 maýsymnan bastap prezıdent Qasym-Jomart Toqaevtyń "Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly" Jarlyǵy kúshine endi.

Oǵan saı elde úsh jańa oblys paıda bolady.

"1) Shyǵys Qazaqstan oblysynyń quramynan Aqsýat, Abaı, Aıagóz, Besqaraǵaı, Borodýlıha, Jarma, Úrjar, Kókpekti aýdandaryn, Semeı jáne Kýrchatov qalalaryn bólý jolymen ákimshilik ortalyǵy Semeı qalasynda ornalasatyn Abaı oblysy;

2) Almaty oblysynyń quramynan Aqsý, Alakól, Eskeldi, Qaratal, Kerbulaq, Kóksý, Panfılov, Sarqan aýdandaryn, Taldyqorǵan jáne Tekeli qalalaryn bólý jolymen ákimshilik ortalyǵy Taldyqorǵan qalasynda ornalasatyn Jetisý oblysy;

3) Qaraǵandy oblysynyń quramynan Jańaarqa, Ulytaý aýdandaryn, Jezqazǵan, Qarajal jáne Sátbaev qalalaryn bólý jolymen ákimshilik ortalyǵy Jezqazǵan qalasynda ornalasatyn Ulytaý oblysy qurylsyn" delingen prezıdent Jarlyǵynda.

Jarlyqtyń oryndalýyn baqylaý Prezıdent ákimshiligine júktelgen bolatyn.