Senat tóraǵasy Máýlen Áshimbaev eks-prezıdent N.Nazarbaevtyń saıasattaǵy róli týraly suraqqa jaýap berdi, dep jazdy Tengrinews.kz.

– Nursultan Nazarbaev búginde saıasatqa aralasyp jatqan joq. Ony ózderińiz de kórip otyrsyzdar. Árıne, úlken jaǵdaılar bolǵanda, mysaly referendým sıaqty sharalar ótken kezde azamat retinde, saıasatker retinde mindetti túrde qatysady. 

Barlyq másele zańda qalaı kórsetilgen, sol boıynsha sheshilip jatyr. Konstıtýsıaǵa baılanysty prezıdent quqyqtary bar. Úkimettiń, senattyń, májilistiń quqyqtary bar. Olardyń bárin zań júzinde júzege asyryp jatyrmyz. Nursultan Ábishuly referendým bolǵan kezde Qazaqstan azamaty retinde óziniń daýsyn berdi. Ol – árbir azamattyń quqyǵy. Biraq saıasatker retinde, Tuńǵysh Prezıdent retinde Qazaqstan saıasatyna aralasyp otyrǵan joq, – dedi Áshimbaev senat otyrysynda.