Búgin Úkimet otyrysynda ant bergen mınıstr Saıasat Nurbek áleýmettik jelide qyzý talqyǵa túsken suraqtarǵa jaýap berdi, dep jazady ulysmedia.kz.
"Ózińiz Ǵylym jáne joǵary bilim mınıstri laýazymyna taǵaıyndalyp otyrsyz. Balalaryńyz joǵary bilimin shetelde jalǵastyra ma? Álde mınıstr retinde ózińiz úlgi bolyp elge ákelesiz be?" - dep surady jýrnalıser.
– 26 maýsymda olar Qazaqstanǵa qaıtady. Men olardy asyǵa kútip otyrmyn. Kerek deseńiz, men sizderge fotoesep beremin, – dedi Saıasat Nurbek.
"Olar ne úshin osy ýaqytqa deıin shetelde oqydy?" degen suraqqa mınıstr bylaı jaýap berdi.
– Úsh sebep bar. Birinshisi meniń jubaıym men balalarymnyń medısınalyq jaı-kúıi. Medısınalyq naqty qorytyndy bar. Ókinishke qaraı men olardy qarjylyq turǵyda osynda olardy oqyta almadym. Úshinshiden, ol – ol óte jaqsy brıtandyq mektep. Biraq ýaıymdamańyzdar, 26 maýsymda olar Qazaqstanǵa oralady, – dedi ol.
"Al ózińiz mınıstr bolmasańyz, balalaryńyz sol jaqta oqı beretin be edi?" degen suraqqa mınıstr "biz jyl basynda-aq balalarymyzdy qaıtaratynymyz týraly sheshim qabyldap qoıǵanbyz" dep jaýap berdi.
Budan bólek, mınıstr dinı senimine qatysty qoıylǵan suraqtarǵa da jaýap berdi.
– Men musylmanmyn, Qudaıǵa shúkir. Salafızmge esh qatysym joq. Bilesizder, atam men ájemniń qolynda óstim. Tekserseńiz óte ońaı. Atam Nurbek. Tegimdi atamnyń atyna alǵan adammyn. Semeı qalasynda ol kisi ımam, molda boldy. Tynybaı meshiti degen bar. Tatar meshiti bolǵan bizde. Birinshi ashylǵan qazaq meshitiniń ımamy boldy. Sondyqtan kishkenteı kezimnen bastap men dinge, ımanǵa jaqyn adammyn. Biraq eshqandaı radıkaldy aǵymǵa, sektalarǵa, salafızmge qatysym joq, – dedi Saıasat Nurbek.
Sóz sońynda jańa mınıstr Bekbolat Tileýhanmen myńdaǵan adam sýretke túskenin, «onyń óner adamy ekenin, aqyn ekenin, ol kisini qurmeıttinin» málim etti.
Pikir qaldyrý