Almaty qalasy Qoǵamdyq keńesiniń janynan sybaılas jemqorlyqqa qarsy is-qımyl komıtetin qurý týraly sheshim qabyldandy

"Antikor ortalyǵy" alańynda Sybaılas jemqorlyqqa qarsy is-qımyl máseleleri boıynsha Almaty qalasy Qoǵamdyq keńesiniń kóshpeli otyrysy ótti.

Kezdesý barysynda Qoǵamdyq keńes músheleri men qoǵam qaıratkerlerine vedomstvonyń qazirgi jumysy jáne QR 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasynyń iske asyrylýy týraly habardar etildi.

Otyrysta Qoǵamdyq keńestiń janynan sybaılas jemqorlyq kórinisterine qarsy is-qımyl máselelerimen aınalysatyn jeke komıtet qurý týraly sheshim qabyldandy.

Kezdesý qatysýshylaryn qarsy ala otyryp, Departament basshysy Asqat Orazhan Sybaılas jemqorlyqqa qarsy qyzmet pen azamattyq sektordyń syndarly ózara is-qımylynyń mańyzdylyǵyn atap ótti.

"Bizdiń birlesken yntymaqtastyǵymyz sybaılas jemqorlyq quqyq buzýshylyqtardyń sanyn azaıtýǵa kómektesedi jáne sybaılas jemqorlyqqa qarsy is-qımylda oń nátıje beredi dep úmittenemiz. Memlekettik organdar men kvazımemlekettik sektor kásiporyndarynyń sybaılas jemqorlyqqa jaǵdaı jasaıtyn zańsyz is - áreketterin anyqtaý maqsatynda naqty jumys quryp, sybaılas jemqorlyq táýekelderine taldaý júrgizýde, memlekettik satyp alýǵa monıtorıń júrgizýde, qoǵamdyq baqylaýdy uıymdastyrý men ótkizýde birlesken kúsh salý qajet", - dep atap ótti.

"Qoǵamdyq keńestiń qoǵamdyq baqylaý salasyndaǵy mindetteriniń biri halyqty sybaılas jemqorlyqqa qarsy is-qımyl prosesine tartý bolyp tabylady. Qoǵamdyq keńes janyndaǵy osy komıtettiń quramyna belsendi azamattyq ustanymy bar adamdardyń kirýi óte mańyzdy, qoıylǵan maqsattar úshin barlyq saraptamalyq áleýetti tartý qajet", - dep Almaty qalasy Qoǵamdyq keńesiniń Tóraǵasy Altynaı Kóbeeva atap ótti.

İs-shara sońynda qatysýshylar komıtettiń quramy men aldaǵy is-sharalar josparyn talqylady.