2022 jylǵy sáýirde 83,5 myń avtokólik quraly esepke qoıylǵan, bul – ótken jyldyń sáıkes kezeńimen salystyrǵanda 0,4% az, onyń ishinde júk avtomobılderiniń sany 18,7%-ǵa, avtobýstardiki 29,1%-ǵa kemidi, bul rette jeńil avtomobılderdiń sany 1,5%-ǵa artty, dep habarlady Ulttyq statısıka búrosy.
2022 jylǵy 1 mamyrdaǵy jaǵdaı boıynsha Qazaqstanda tirkelgen avtokólik sany 4 357,6 myń birlikti quraǵan, onyń ishinde 87,8% – jeńil avtomobılder, 10,4% – júk, 1,8% – avtobýstar.
Jeńil avtomobılder avtoparkinde 20 jyl buryn shyǵarylǵan avtomobılder 50,3 paıyzdy quraıdy. Shyqqanyna 10-nan 20 jylǵa deıingi avtokólik quraldarynyń úlesi – 21,1%, 7-10 jyl aralyǵyndaǵylar – 14,5%, 3-7 jyl bolǵandar – 6,4%, mashınalardyń tek 7,6 paıyzynyń paıdalaný merzimi 3 jyldan kem. Shyǵarylǵan jyly 20 jyldan astam avtomobılderdiń úlesi júk kólikteri arasynda – 60,8%, avtobýstar boıynsha – 42,2 paıyzdy quraıdy.
Avtomobılderdiń basym bóligi Almaty oblysynda (534,7 myń), Almaty qalasynda (508,7 myń) jáne Qaraǵandy oblysynda (310 myń) tirkelgen. Eń azy Atyraý oblysynda (116,9 myń).
Janarmaı retinde jeńil avtokólikter negizinen benzındi paıdalanady (87,8%), kólik quraldarynyń 8% aralas otynmen júredi. Júk kólikteriniń 48,7%-y dızel otynymen, qalǵandary benzın (45,9%) men aralas otyn esebinen (2,2%) qozǵalady.
Pikir qaldyrý